തേക്ക്മരം പരിപാലിക്കാൻ സീഡ് കുട്ടികൾ
കാസറഗോഡ് ഗവ ഹയർ സെക്കണ്ടറി സ്‌കൂളിലെ സീഡ് വിദ്യാർത്ഥികൾ കാസറഗോഡ് പോലീസ് സ്റ്റേഷനിലെ തങ്ങൾ കഴിഞ്ഞ വര്ഷം നട്ട നാല്പത്തിനാല് തേക്ക് മരം പരിപാലിക്കാൻ എത്തി .രഞ്ജീഷ് ,വിഷ്ണു ,മിസിരിയ ,അശരീഫ എന്നിവരുടെ നേതൃത്വത്തിൽ മുപ്പതോളം വിദ്യാർത്ഥികൾ തങ്ങളുടെഇരട്ടിയോളം വലിപ്പമുള്ള തേക്ക് മരവും ചുറ്റുപാടും വൃത്തിയാക്കി .നാല്പത്തിനാലിൽ ഇരുപത്താറെണ്ണം നല്ല രീതിയിൽ വളർന്നു .പുതിയവ നട്ടുപിടിപ്പിക്കാനുള്ള തയ്യാറെടുപ്പിലാണ് കുട്ടികൾ .കാസറഗോഡ് സി ഐ റഹീം സാർ .എസ് ഐ രഞ്ജിത്ത് രവീന്ദ്രൻ എന്നിവർ പരിപാടിക്ക് ആശംസകൾ നേർന്നു . സീഡ് കോഡിനേറ്റർ പി ടി ഉഷ ,ഹരിദാസൻ സി ,സുനിൽ കുമാർ എ , ഇബ്രാഹിം എം എന്നിവർ നേതൃത്വം നൽകി . പോലീസുകാർ കുട്ടികൾക്ക് പായസം ,ഐസ് ക്രീം ഇവ വിതരണം ചെയ്തു .